लाडकी बहीण योजना eKYC बाबत महत्त्वाचे update पहा.
मुख्यमंत्री माझी लाडकी बहीण योजनेअंतर्गत लाभ घेण्यासाठी सर्व पात्र महिलांना ई-केवायसी (eKYC) करणे बंधनकारक आहे. ई-केवायसी केल्याशिवाय योजनेचा लाभ दिला जाणार नाही, असे स्पष्ट करण्यात आले आहे. मात्र, ई-केवायसी करत असताना अनेक महिलांना एक मोठी अडचण येत आहे.
ज्या महिलांचे वडील किंवा पती हयात नाहीत, अशा भगिनींनी ई-केवायसी करताना नेमका कोणाचा आधार क्रमांक टाकावा, असा प्रश्न वारंवार विचारला जात आहे. अविवाहित अर्जदार ज्या आता विवाहित झाल्या आहेत, तसेच ज्या महिलांचे वडील किंवा पती यांचे निधन झाले आहे, त्यांना ही समस्या प्रामुख्याने येत आहे.
सध्याच्या ई-केवायसी प्रक्रियेत, ज्यांचे वडील किंवा पती उपलब्ध नाहीत, त्यांच्यासाठी कोणाचा आधार क्रमांक टाकायचा याबद्दल कोणताही विशिष्ट पर्याय (Option) किंवा अधिकृत सूचना देण्यात आलेली नाही. हा केवळ एका लाभार्थीचा नाही, तर अनेक महिला लाभार्थ्यांचा प्रश्न आहे.
त्यामुळे, जोपर्यंत राज्य सरकारच्या माध्यमातून या समस्येवर अधिकृत माहिती किंवा अपडेट येत नाही, तोपर्यंत लाभार्थ्यांनी थोडी प्रतीक्षा करणे आवश्यक आहे. चुकीची ई-केवायसी प्रक्रिया केल्यास योजनेचा लाभ मिळण्यास अडचण येऊ शकते.
या समस्येवर तोडगा काढण्यासाठी, लाभार्थ्यांनी नजीकच्या अंगणवाडी केंद्रात तसेच तहसील कार्यालय किंवा पंचायत समिती कार्यालयात जाऊन याबद्दल विचारणा करावी. संबंधित कार्यालये तुमची दखल घेऊन ई-केवायसी प्रक्रिया यशस्वीरित्या पूर्ण करण्यासाठी योग्य मार्गदर्शन करतील. ई-केवायसी अचूक आणि व्यवस्थित पूर्ण करा, जेणेकरून तुम्हाला योजनेचा लाभ निश्चितपणे मिळेल.
