Mansoon October December ; ऑक्टोबर ते डिसेंबर पावसाचा अंदाज जाहीर, अवकाळी पावसाचा अंदाज.
या वर्षी ऑक्टोबर ते डिसेंबर या काळात होणारा मान्सूनोत्तर (Post-Monsoon) पाऊस सरासरीपेक्षा अधिक होण्याची शक्यता आहे. भारतीय हवामान विभागाने (IMD) दिलेल्या अंदाजानुसार, या कालावधीत दक्षिण भारतात १२२ टक्के अधिक पाऊस होण्याची शक्यता आहे.
महाराष्ट्रातही अधिक पाऊस
हा अंदाज केवळ दक्षिण भारतापुरता मर्यादित नाही. याच्या व्यापक विश्लेषणानंतर, हवामान विभागाने म्हटले आहे की, महाराष्ट्रासह देशाच्या बहुतांश भागात सरासरीपेक्षा अधिक पाऊस पडण्याची शक्यता आहे. त्यामुळे या वर्षी मान्सूनोत्तर हंगामात (ऑक्टोबर ते डिसेंबर) महाराष्ट्रातील शेतकरी आणि नागरिकांना अधिक पावसासाठी सज्ज राहावे लागणार आहे.
ईशान्य मान्सून होणार सक्रिय
ईशान्य मोसमी वारे (Northeast Monsoon) आणि मान्सूनोत्तर हंगाम (Post-Monsoon Season) या काळात दक्षिण भारतात अधिक सक्रिय होतात. सद्यस्थितीत, मान्सून वायव्य भारतातून परतीच्या मार्गावर आहे, परंतु दक्षिण भारतात मोसमी वारे अजूनही सक्रिय आहेत.
कोणत्या भागात होणार परिणाम?
मान्सूनोत्तर काळात ईशान्य मोसमी वाऱ्यांमुळे दक्षिण भारताच्या अनेक राज्यांमध्ये पाऊस पडतो. यात दक्षिणेकडील अंतर्गत कर्नाटक, रायलसीमा, केरळ, तामिळनाडू आणि आंध्र प्रदेशाचा दक्षिण सीमावर्ती भाग यांचा समावेश आहे. हे वारे बंगालच्या उपसागरावरून बाष्प घेऊन येत असल्याने, या भागांमध्ये अधिक पाऊस होतो.
ऑक्टोबर ते डिसेंबरचा पावसाचा अंदाज
हवामान विभागाने मंगळवार, ३० सप्टेंबर रोजी दक्षिण भारतीय मोसमी वाऱ्यांचा (ईशान्य मान्सून) हंगाम आणि ऑक्टोबर महिन्याचा सविस्तर अंदाज जाहीर केला आहे. या अंदाजानुसार, या वर्षी ईशान्य मान्सून सक्रिय राहील आणि त्यामुळे संपूर्ण दक्षिण भारतात सरासरीपेक्षा जास्त पाऊस पडेल, ज्याचा प्रभाव महाराष्ट्राच्या काही भागांवरही दिसून येईल.
