पंजाबराव डख पावसाचा अंदाज ; राज्यात उद्या आणि पर्वा पावसाचा अंदाज.
पंजाबराव डख पावसाचा अंदाज ; पंजाब डख यांचा हवामान अंदाज: 5 ते 7 ऑक्टोबर दरम्यान राज्यात भाग बदलत पाऊस; शेतकऱ्यांसाठी महत्त्वाचा सल्ला हवामान अभ्यासक पंजाब डख यांनी दिलेल्या अंदाजानुसार, ५ ते ७ ऑक्टोबर या तीन दिवसांदरम्यान राज्याच्या विविध भागांत भाग बदलत विखुरलेल्या स्वरूपाचा पाऊस पडण्याची शक्यता आहे. हा पाऊस सर्वदूर नसेल, काही ठिकाणी रिमझिम तर काही ठिकाणी जोरदार सरी कोसळतील, तर काही भाग कोरडे राहतील. मात्र, हा पाऊस फार मोठा नुकसानीचा नसेल, असे पंजाब डख यांचे मत आहे.
विदर्भ (पूर्व आणि पश्चिम)
५, आणि ६ ऑक्टोबर या तीन दिवसांदरम्यान विदर्भातील अकोला, अमरावती, भंडारा, बुलढाणा, चंद्रपूर, गोंदिया, नागपूर, वर्धा, वाशिम, यवतमाळ या ११ जिल्ह्यांमध्ये काही ठिकाणी जोरदार, तर काही ठिकाणी रिमझिम पाऊस पडेल. या काळात हिंगोली आणि नांदेड जिल्ह्यांमध्येही पावसाची शक्यता आहे. या भागातील शेतकऱ्यांनी सोयाबीनची कापणी केली असल्यास, दुपारनंतर किंवा रात्री घरी जाताना पीक झाकून ठेवण्याचा सल्ला डख यांनी दिला आहे.
मराठवाडा
मराठवाड्यात देखील ५, आणि ६ ऑक्टोबरच्या दरम्यान काही जिल्ह्यांमध्ये तुरळक विखुरलेला पाऊस पडण्याची शक्यता आहे. परभणी, लातूर, नांदेड, हिंगोली, धाराशिव (उस्मानाबाद), जालना, आणि छत्रपती संभाजीनगर (औरंगाबाद) या जिल्ह्यांतील शेतकऱ्यांनी कापणी केलेले सोयाबीन घरी नेताना झाकून ठेवावे. हा पाऊस खूप मोठा नसला तरी, रिमझिम पावसामुळे सोयाबीनच्या गंजीचे नुकसान होण्याची शक्यता आहे.
उत्तर महाराष्ट्र आणि पश्चिम महाराष्ट्र
उत्तर महाराष्ट्रात नंदुरबार, धुळे, जळगाव, आणि नाशिक जिल्ह्यांत ७ ऑक्टोबरपर्यंत भाग बदलत पाऊस पडणार आहे. तसेच, अहिल्यानगर (अहमदनगर) जिल्ह्यात आणि पश्चिम महाराष्ट्रातील पुणे, कोल्हापूर, सातारा, सांगली आणि सोलापूर या भागांमध्ये देखील या तीन दिवसांमध्ये (४ ते ६ ऑक्टोबर) विखुरलेल्या स्वरूपाचा पाऊस पडेल असं पंजाब डख यांनी सांगितले.
